У Бабруйску ўсе прамоўцы БХД далучыліся да ініцыятывы “Дарога да выбарчага парога” (фота)
У Бабруйску 5 студзеня прайшлі чарговыя пікеты ў падтрымку прамоўцаў Беларускай хрысціянскай дэмакратыі Валерыя Васільева і Аляксея Трафімава.
Таксама працягваецца збор подпісаў ад дзвярэй да дзвярэй. Апроч гэтага, актывісты збіраюць подпісы за рамонт дарог на 5 і 6 мікрараёнах Бабруйска.
“Усе кандыдаты далучыліся да ініцыятывы “Дарога да выбарчага парога”. Кожны на сваёй акрузе вядзе збор подпісаў па праблемах, якія хвалююць жыхароў акруг. Людзі далучаюцца і актыўна дапамагаюць”, – адзначыла каардынатар БХД па Магілёўскай вобласці Таісія Кабанчук.
