Галіна Каржанеўская абскарджвае сваю нерэгістрацыю
Прамоўца Беларускай хрысціянскай дэмакратыі, паэтка Галіна Каржанеўская падала скаргу на сваю нерэгістрацыю кандыдатам у дэпутаты ў Менгарасавет па Матусевіцкай выбарчай акрузе № 33.
Як адзначыў каардынатар БХД па Менску Дзяніс Садоўскі, афіцыйнай прычынай нерэгістрацыі стаў неістотны хіб у падатковай дэкларацыі.
“Мы ўпэўненыя, што Галіна Анатолеўна павінна быць зарэгістраваная, бо ўсе дакументы былі перададзеныя правільна”, – падкрэсліў ён.
