Пікет БХД у Бабруйску прайшоў у падтрымку Анатоля Лябедзькі (відэа)
У Бабруйску агітацыйны пікет прамоўцы Беларускай хрысціянскай дэмакратыі па Фандокаўскай акрузе № 1 Максіма Чарняка 10 лютага прайшоў у падтрымку затрыманага на суткі лідара Аб’яднанай грамадзянскай партыі Анатоля Лябедзькі.
«На жаль, беларуская рэальнасць уносіць карэктывы ў планы кандыдатаў. Заклікаю і іншых кандыдатаў праводзіць свае пікеты падтрымкі лідара АГП», – адзначыў прысутны на пікеце сустаршыня БХД Віталь Рымашэўскі.
У сваю чаргу каардынатар БХД па Магілёўскай вобласці Таісія Кабанчук распавяла пра кандыдата ў дэпутаты Максіма Чарняка, які ў цэнтры сваёй дзейнасці ставіць чалавека і займаецца вырашэннем тых праблемаў, на якія ўлада не звяртае ўвагі.
Каардынатар таксама заклікала мінакоў далучацца да БХД, удзельнічаць у незалежным назіранні і прыходзіць на сустрэчы з кандыдатам.
