У панядзелак суд па скарзе Таццяны Вайтовіч
Актывістка Беларускай хрысціянскай дэмакратыі Таццяна Вайтовіч намагаецца праз суд дабіцца адмены інваліднасці, пастаўленай ёй пасля прымусовага абследавання.
“Яна просіць аб прызначэнні ёй дадатковай экспертызы у Менскім шпіталі, у якім наваградскія карумпаваныя медчыноўнікі не маюць “падвязак”. Мэта чыноўнікаў – зрабіць Вайтовіч недзеяздольнай, каб праваахоўныя органы больш не прымалі яе звароты. Мэта актывісткі – адстаяць свае правы”, – адзначыў актывіст БХД Сяргей Верамеенка.
Дапамагае Таццяне Вайтовіч праваабаронца Кацярына Садоўская.
Рашэнне Кастрычніцкага суда Гародні будзе агалошана ў панядзелак, 12 лютага, а 09:10 па адрасе: вул. Дубко,9.
