Павел Севярынец выступіў на з’ездзе Беларускай асацыяцыі журналістаў
Сустаршыня Беларускай хрысціянскай дэмакратыі Павел Севярынец, выбраны дэлегатам на 10-ы з’езд Беларускай асацыяцыі журналістаў, выступіў перад прадстаўнікамі дзясяткаў беларускіх недзяржаўных СМІ са спавешчаннем пра працу Супольнасці хрысціянскіх журналістаў і блогераў.
У выступе Севярынец распавёў пра працу міжканфесійнага інфармацыйнага парталу Krynica.info, сустрэчы і семінары, што ладзіліся СХЖБ на працягу апошніх двух гадоў, у тым ліку і пры падтрымцы БАЖ.
Дарэчы, у працы з’езду агулам прымалі ўдзел сямёра дэлегатаў-сябраў СХЖБ, прычым некаторыя з іх былі абраныя ў кіруючыя органы БАЖ. Так, Барыс Гарэцкі стаў намеснікам кіраўніка БАЖ, а Вікторыя Чаплева, Марыя Савушкіна і той жа Барыс Гарэцкі зрабіліся сябрамі Рады арганізацыі.
