18 кастрычніка запрашаем на лідарскія курсы Паўла Севярынца

15.10.2018, 16:56  |  Галоўныя навіны, Грамадства

18 кастрычніка запрашаем на лідарскія курсы Паўла Севярынца

 

18 кастрычніка, у чацвер, а 18.00 у Менску пачынаюцца бясплатныя лідарскія курсы Паўла Севярынца. Тры месяцы па чацверах, з 18.00 да 20.00 - дзевяць тэарэтычных і тры практычных заняткі ў галіне лідарства, масавай і індывідуальнай псіхалогіі, тэорыі і практыцы шоў, працы са СМІ, блогінгу, эфектыўнага менеджменту ў беларускім руху. 

Як правільна выступаць, як адстойваць свой пункт погляду перад аўдыторыяй, як гуртаваць людзей і як працаваць у камандзе - у беларускіх умовах.

Спачатку - тэст на беларускі ІQ. Рэйтынг дадаецца на кожным занятку. Затым - тры выпрабаванні (практыка).

12 лепшых атрымаюць дыпломы пераможцаў, яшчэ 12 здольных удзельнікаў - сертыфікаты менеджараў.

Выкладчыкі - вядомыя дзеячы нацыянальнага руху.            

18 кастрычніка - пачатковы тэст (100 пытанняў).

Час: 18.00.

Месца - прастора "Тартак" (вул. Магілёўская 2/2, за гандлёвым цэнтрам "Мост", ст. метро "Інстытут Культуры"). Партнёр: кампанія "Будзьма беларусамі!"

Уваход вольны.

Для папярэдняй рэгістрацыі тэлефануйце 80295160861 (Павел).

Далучайцеся!

Навіны па тэме