Віцебскія актывісты БХД распачалі кампанію супраць будаўніцтва новага Палацу шлюбу

21.11.2018, 08:33  |  Навіны » Грамадства

Віцебскія актывісты БХД распачалі кампанію супраць будаўніцтва новага Палацу шлюбу

 

Віцебскія актывісты БХД распачалі кампанію супраць будаўніцтва новага Палацу шлюбу

 

У Віцебску ў 2019 годзе ў ахоўнай гістарычнай зоне Ніжняга Замка плануецца пабудаваць новы Палац шлюбу. Будынак быў унесены ў інвестыцыйны план горад за нумарам № 1 яшчэ ў 2017 годзе, але тады актывісты БХД здолелі не дапусціць яго будаўніцтва, апелюючы да наяўнасці вялікай колькасці доўгабудаў сацыяльнага прызначэння і да будаўніцтва ў ахоўнай зоне.

Пры гэтым, як адзначыла каардынатар БХД Таццяна Севярынец, адказны за гэты пункт плана намеснік старшыні Віцебскага гарвыканкама Пётр Падгурскі аргументаваў тым, што “трэба ж што-небудзь планаваць”.

Зараз гэты будынак зноў унесены ў план горада. Пры гэтым у Віцебску ёсць закінуты Палац культуры Віцебскага раёна, некалькі Цэнтраў культуры, дамоў культуры, Лядовы палац, Філармонія, дзе можна было б рэгістраваць і шлюбы. Больш за тое, у горадзе няма паліклінікі ў мікрараёне Білева (толькі медыцынскі офіс), катастрафічна не хапае дзіцячых садкоў, школы ў Білева, развальваецца будынак абласной кардыялогіі, шэсць гадоў іржавее тэхніка калі корпуса гінекалогіі.

“Мы, сябры аргкамітэта БХД, якія ўжо даўно заявілі “Віцебск-горад наш”, канешне, не пакінем гэта без увагі: свае прэтэнзіі і меркаванні мы ўжо выказалі ў сшытку заўваг і прапаноў, напісалі заяву на абавязковы сход грамадзян, пачалі збор подпісаў пад калектыўным зваротам супраць гэтага сумнеўнай важнасці аб’екта”, - падкрэсліла Таццяна Севярынец.

 

Віцебскія актывісты БХД распачалі кампанію супраць будаўніцтва новага Палацу шлюбу

 

Віцебскія актывісты БХД распачалі кампанію супраць будаўніцтва новага Палацу шлюбу

 

Віцебскія актывісты БХД распачалі кампанію супраць будаўніцтва новага Палацу шлюбу

 

Навіны па тэме