Магілёўскія актывісты БХД наведваюць з дабрачыннымі місіямі дзіцячыя сацыяльныя ўстановы (фота)
Для Магілёўскай сеньёрскай арганізацыі БХД стала добрай традыцыяй у снежні наведваць з дабрачыннымі місіямі дзіцячыя сацыяльныя ўстановы.
Валанцёры сабралі добраахвотныя ахвяраванні для дзяцей, якія апынуліся без апекі бацькоў. Пагутарылі з дзецьмі і з кіраўніцтвам, высветлілі ў чым асабліва маюць патрэбу дзеці.
“У наступнае наведванне мы прывязем дзецям падарункі да Новага года і правядзем майстар-клас па выпечцы святочных пернікаў”, – распавяла каардынатар Магілёўскай сеньёрскай арганізацыі БХД Святлана Шавела.
