Сустаршыня БХД Павел Севярынец правёў на офісе Беларускай асацыяцыі журналістаў прэзентацыю пад назвай “Рэпартаж з беларускай турмы”. Прагучалі  па топ-5 парадаў, як у беларускай турме застацца чалавекам і журналістам, а таксама лайфхакі што да паводзінаў у зняволенні.

Былі прэзентаваныя зборнік турэмных эсэ “Каменнае сэрца”, кніга “Лісты на волю” ды іншыя выданні.

На прэзентацыі выступілі палітвязень Генадзь Фядыніч, кіраўнік асацыяцыі “Тайм-Акт” Васіль Завадскі, рэжысёр Аляксей Туровіч ды іншыя.

Нагадаем, Павел Севярынец адбыў у месцах зняволення па палітычных прысудах больш як 5,5 гадоў.