Маладыя хрысціянскія дэмакраты даслалі віншавальныя паштоўкі вязням Акрэсціна (фота)

30.12.2019, 18:08  |  Галоўныя навіны, Палітыка

Маладыя хрысціянскія дэмакраты даслалі віншавальныя паштоўкі вязням Акрэсціна (фота)

Актывісты МХД даслалі віншавальныя паштоўкі ўдзельнікам пратэстаў за незалежнасць Беларусі, якія ў калядныя святы адбываюць арышт у ІЧУ на Акрэсціна.

“Адзначаць святы у камеры далёка ад сям’і – гэта вельмі складана, але кожны з нас можа паўдзельнічаць у віншаваннях і дапамагчы палітвязням перажыць гэты складаны час больш весела”, - адзначыла старшыня МХД Надзея Гацак.

Маладыя хадэкі віншавалі перадусім сустаршыню БХД Паўла Севярынца, які да таго ж сустрэў у зняволенні дзень народзінаў. Але таксама віншаванні былі накіраваныя Алесю Чахольскаму, Яўгену Афнагелю, Максіму Урбановічу ды іншым.

“Годныя, смелыя людзі правядуць святы за кратамі за сваю любоў да Беларусі. Салідарнасць з кожным знаходзяцца ў палоне абаронцам незалежнасці. Праўда на нашым баку!” – заявіў актывіст Зміцер Казакевіч.

Азнаёміцца са спісам палітвязняў і іх адрасамі можна па спасылцы.








Навіны па тэме