Вольга Кавалькова і Віталь Рымашэўскі віншуюць беларусаў з Новым годам (відэа)

31.12.2019, 18:12  |  Галоўныя навіны, Палітыка

Вольга Кавалькова і Віталь Рымашэўскі віншуюць беларусаў з Новым годам (відэа)

Сустаршыні Беларускай хрысціянскай дэмакратыі Вольга Кавалькова і Віталь Рымашэўскі звярнуліся з навагоднімі зваротамі да беларусаў.

“Я жадаю, каб у 2020 годзе мы ўмацаваліся на тым падмурку, які прынясе нам сапраўдную перамогу. Каб нашы сэрцы напоўніла любоў адно да аднога і да нашай Бацькаўшчыны-Беларусі. Каб, нарэшце. 9 млн беларусаў маглі шчыра павітаць адно аднога словамі “Каго любіш?” – “Люблю Беларусь!” – “То ўзаемна”. І тады ў наступным годзе нас абавязкова чакае спраўджанне нашых надзей, новыя перамогі і, самае галоўнае, - новы прэзідэнт Рэспублікі Беларусь”, - пажадаў Віталь Рымашэўскі.


“Хачу пажадаць нашай прыгожай і любімай Беларусі свабоды, дэмакратыі і незалежнасці. Беларусь – гэта кожны з нас. І ад кожнага з нас будзе залежыць, якім шляхам будзе ісці нашая краіна, ці будзем мы адчуваць сябе гаспадарамі на сваёй зямлі. Я жадаю, каб наступны год прынёс нашай краіне збаўленне ад дыктатуры і новы крок, новы шлях да развіцця”, - адзначыла Вольга Кавалькова.

Навіны па тэме