Мілінкевіч сустрэўся з міністрам замежных спраў Чэхіі і расейскімі палітыкамі
Падчас сустрэчы беларускай дэлегацыі ў складзе лідэра Руху “За Свабоду” Аляксандра Мілінкевіча, Уладзіміра Навасяда і Паўла Мажэйкі ў Міністэрстве замежных спраў з Янам Когоўтам цягам 45 хвілін быў абмеркаваны шырокі спектр пытанняў, датычных развіцця стасункаў паміж Беларуссю і Еўразвязам.
Палітыкі дамовіліся, што Чэхія ў наступным годзе будзе працягваць развіваць праграмы падтрымкі людзей, якія праследуюцца па палітычных матывах, і запрашаць беларускіх студэнтаў на навучанне у лепшых ВНУ Чэхіі.
З чэшскага боку плануецца таксама ўзмацніць падтрымку незалежных СМІ, у прыватнасці, “Еўарарадыё” і незалежнага беларускі тэлеканал “Белсат”.
13-14 кастрычніка адбыліся сустрэчы Аляксандра Мілінкевіча з былымі віцэ-прэм’ерамі Расейскай Федэрацыі Ягорам Гайдарам і Рыгорам Яўлінскім. Падчас сустрэч з вядомымі расійскімі палітыкамі абмяркоўваліся перспектывы развіцця беларуска-расейскіх стасункаў і супрацоўніцтва ў галіне экспертных і аналітычных распрацовак праектаў эканамічных рэформаў у Беларусі.
