Еўрапейская народная партыя асудзіла рэпрэсіі супраць Вольгі Кавальковай

05.06.2020, 15:22  |  Галоўныя навіны, Палітыка

 

У афіцыйным Twitter-акаўнце Еўрапейскай народнай партыі 5 чэрвеня з’явіліся публікацыі з асуджэннем рэпрэсіяў у Беларусі.

У прыватнасці, ЕНП вельмі занепакоеная узмацненнем рэпрэсій і запалохвання патэнцыйных кандыдатаў у прэзідэнты Вольгі Кавальковай, Юрыя Губарэвіча, Мікалая Казлова і іншых.

Нагадаем, што Вольгу Кавалькову і Мікалая Казлова дагэтуль улады пераследуюць за выкананне імі сваіх канстытуцыйных праваў на мірны пратэст.

“Такія паводзіны дэманструюць слабасць і адчай цяперашняга рэжыму”, - гаворыцца ў паведамленіі.

ЕНП таксама будзе ўважліва сачыць за арыштам блогера Сяргея Ціханоўскага, якога затрымалі падчас выбарчага сходу ў Беларусі.

“Новыя палітвязні ў Беларусі непрымальныя і падрываюць давер і справядлівасць маючых адбыцца прэзідэнцкіх выбараў”, - адзначылі ў Еўрапейскай народнай партыі.

Навіны па тэме