Еўрапейская хрысціянская палітычная моладзь заклікае Лукашэнку спыніць рэпрэсіі ў Беларусі

24.06.2020, 15:46  |  Навіны » Палітыка

Еўрапейская хрысціянская палітычная моладзь заклікае Лукашэнку спыніць рэпрэсіі ў Беларусі

 

Еўрапейская хрысціянская палітычная моладзь (ECPYouth) – палітычная сетка моладзевых хрысціянскіх палітычных арганізацыяў Еўропы – 24 чэрвеня выступіла з заявай пра апошнія падзеі ў Беларусі.

“Мы, Еўрапейская хрысціянская палітычная моладзь, з вялікай трывогай сочым за ўсё больш трывожнымі навінамі пра палітычную сітуацыю ў Рэспубліцы Беларусь.

У сувязі з будучымі прэзідэнцкімі выбарамі і вялікім зніжэннем падтрымкі дзеючага прэзідэнта Аляксандра Лукашэнкі ўлады ўводзяць жорсткія абмежаванні грамадзянскіх правоў і свабод сваіх грамадзян.

Ужо некалькі тыдняў штодня затрымліваюць і арыштоўваюць сотні палітычных актывістаў, незалежных журналістаў, палітыкаў і тых, хто спачувае ім у жэсце «ланцугу салідарнасці», які выходзіць на вуліцы Беларусі. Гэтыя дзеянні беларускіх уладаў ідуць насуперак з недатыкальным прынцыпам чалавечай годнасці.

Мы не можам маўчаць пра гэтыя падзеі і рэзка асуджаем дзеянні беларускіх уладаў. Сімпатыі ECPYouth цалкам на баку беларускай грамадзянскай супольнасці ў іх намаганнях мець свабодныя і справядлівыя дэмакратычныя выбары і незалежную дзяржаву, якая гарантуе абарону правоў і свабод сваіх грамадзян. Нашы малітвы праходзяць з беларускім народам.

Зыходзячы з вышэйзгаданага, ECPYouth заклікае Прэзідэнта Аляксандра Лукашэнку і беларускі ўрад спыніць далейшыя затрыманні, арышты, парушэнні мірных дэманстрацый і пакаранні ўласных грамадзян за законную грамадска-палітычную актыўнасць.

Еўрапейская хрысціянская палітычная моладзь заклікае Лукашэнку спыніць рэпрэсіі ў Беларусі

Навіны па тэме