Маладыя Хрысціянскія Дэмакраты падтрымліваюць Святлану Ціханоўскую

15 ліпеня 2020 19:15  |  Палітыка

Маладыя Хрысціянскія Дэмакраты падтрымліваюць Святлану Ціханоўскую

 

Маладыя Хрысціянскія Дэмакраты заяўляюць пра сваю падтрымку Святланы Ціханоўскай у якасці кандыдата ў прэзідэнты Беларусі. У сітуацыі з адмовамі ў рэгістрацыі іншым прэтэндэнтам і масавымі рэпрэсіямі ў дачыненні да палітыкаў, актывістаў і ўдзельнікаў акцыяў пратэсту яна застаецца галоўным увасабленнем супрацьстаяння антыканстытуцыйнаму захопу і ўтрыманню ўлады.

Некаторыя актывісты МХД ужо раней далучыліся да каманды Святланы Ціханоўскай. Зараз надышла чарга афіцыйна падтрымаць яе з боку аргкамітэту МХД.

Мы заклікаем таксама іншыя грамадскія і палітычныя сілы Беларусі, дзейных і былых прэтэндэнтаў на пасаду кіраўніка Беларусі, палітыкаў, грамадскіх дзеячоў, актывістаў, лідараў думак і ўсіх іншых беларусаў, якія выступаюць за змены ў нашай краіне, за шанец на развіццё, за перспектыву для нас і нашых дзяцей, падтрымаць Святлану Ціханоўскую як думкаю, гэтак і ўчынкам.

Таксама заклікаем далучыцца да незалежнага назірання.

Вернікаў Беларусі ды іншых краінаў мы просім да малітвы за мірныя і хуткія змены ў Беларусі.

Болей навін