Паўлу Севярынцу хочуць змяніць рэжым утрымання на турэмны
Вольга Севярынец: “Сёння над Паўлам Севярынцам адбудзецца суд па змене рэжыму. Думаю, гэты суд толькі фармальнасць і вядома, які будзе вырак – Паша паедзе ў адну з турмаў Беларусі, а гэта значыць, што і без таго цяжкія ўмовы стануць яшчэ больш цяжкімі.
Апошні раз я бачыла Паўла на званку ў канцы сакавіка, пасля некалькіх пасадак у ШЫЗА ў яго пачаліся праблемы са здароўем, пасля яму далі тры месяцы ПКТ і вось цяпер пераводзяць на турэмны рэжым.
Прашу малітвы за яго і за ўсіх вязняў”.
