У магілёўскае КДБ выклікалі бабруйскага актывіста БХД
Відавочна, супрацоўнікам КДБ было вядома, што Васьковіч зараз знаходзіцца на навучанні ў Магілёве, а не ў Бабруйску, дзе жыве і працуе ў недзяржаўнай газете “Бабруйскі кур’ер”. “Папераджальная размова” ў КДБ доўжылася амаль 2 гадзіны, затым Васьковіча адпусцілі ва ўніверсітэт на заняткі.
“Іх цікавіў мой удзел у Плошчы, прозвішчы тых, хто выступаў. Я адказаў, што прозвішчаў не чуў”, – распавёў прэс-службе БХД Яўген Васьковіч. – “Сядзелі ўтрох, сур’ёзныя такія, спрабавалі давесці, што Лукашэнка добры, а мне смешна было. У канцы прапанавалі падпісаць нешта кшталту пакаяння, што я надалей не буду ўдзельнічаць у супрацьзаконных акцыях, а я прымусіў іх пераправіць паперу, што і надалей збіраюся прыймаць удзел, але толькі ў мірных акцыях пратэсту.”
Нагадаем, што Яўген Васьковіч быў затрыманы на плошчы Незалежнасці ў Менску 19 снежня і асуджаны на 12 сутак, якія правёў у ізалятары на Акрэсціна, і быў вызвалены толькі 31 снежня.
