Супрацоўнікі КДБ правялі ператрус у Міколы Дземідзенкі
Трое супрацоўнікаў КДБ правялі ператрус на кватэры ў Менску, якую здымае сябра БХД і МФ Мікола Дземідзенка.
Па словах Міколы Дземідзенкі, у яго сканфіскавалі старую расьцяжку “Галадоўка”, некалькі старых улётак і дакумэнтаў.
“Нейкі час са мною кватэру здымаў Уладзь Яроменак — падазраваны па справе пра масавыя беспарадкі. Відаць, гэта й ёсьць прычына ператрусу”, — сказаў Мікола Дземідзенка, перадае прэс-служба “Маладога фронту”.
Гэта ўжо другі ператрус на кватэры маладафронтаўца. Першы прайшоў, калі Дземідзенка адбываў 15-суткавае пакараньне пасьля выбараў.
