Адкрыты зварот БХД: “Стань сьведкам” (тэкст зварота)
Падаем тэкст зварота:
Беларуская Хрысціянская Дэмакратыя канстатуе: працягваецца беспрэцэндэнтны ціск на сябраў аргакамітэта, членаў ініцыятыўнай групы кандыдата ў Прэзідэнты ад хрысціянскіх дэмакратаў Віталя Рымашэўскага, рэгіянальных кіраўнікоў БХД.
Ад 19 снежня да гэтага дня цягнуцца арышты, ператрусы, допыты, робіцца ўціск на актывістаў.
5 сябраў БХД з’яўляюцца абвінавачанымі па справе 19 снежня, у тым ліку, сустаршынi партыі Павал Севяынец і Віталь Рымашэўскі. Павел Севярынец разам з іншымі палітзняволенымі дагэтуль знаходзцца за кратамі.
14 лютага на беларуска-літоўскай мяжы быў незаконна затрыманы Вадзім Кабанчук, якога толькі што асудзілі на 10 сутак, але пагражаюць таксама крымінальнай справай.
Мы выказваем абурэнне фактамі грубага парушэння правоў чалавека ў Беларусі, незаконнымі арыштамі і затрыманнямі. Патрабуем вызваліць усіх зняволеных па палітычных матывах.
Мы звяртаемся да грамадзянаў Рэспублікі Беларусь.
Адзіная зброя дыктатуры – гэта страх. Мэта іх дзеянняў апошніх месяцаў – запужаць беларусаў, знішчыць незалежныя дэмакратычныя сілы.
Наш адказ на гвалтоўныя дзеянні, на запужванне мусіць быць адзін – узмацненне салідарнасці, яднанне ў супольным негвалтоўным супраціве, актыўныя дзеянні.
Мы заклікаем усіх далучацца да дзейнасці Беларускай Хрысціянскай Дэмакратыі, іншых палітычных і грамадкіх ініцыятыў і арганізацый. Абараніць свабоду і незалежнасць нашай краіны, вызваліць зняволеных мы можам толькі разам!
Нам няма чаго баяцца і няма што хаваць. Нашы дзеянні заўсёды былі і застаюцца выключна негвалтоўнымі, скіраванымі на усталяванне свабоды і дэмакратыі, на ўмацаванне незалежнасці Беларусі.
У сувязі з тым, што пачынаюцца судовыя працэсы над абвінавачанымі па справе 19 снежня, Беларуская Хрысціянская Дэмакратыя абвяшчае кампанію “Стань сведкам”.
Мы заклікаем усіх, хто браў удзел у акцыі пратэсту 19 снежня далучыцца да кампаніі і засведчыць на судах пра мірны, негвалтоўны характар правядзення акцыі, пра дзеянні абвінавачаных лідэраў, накіраваныя на спыненне правакацый і гвалту.
Ад кожнага неабыякавага чалавека, кожнага актывіста сёння залежыць лёс нашай краіны. Мы павінны сцвердзіць, што ў беларускага народу ёсць сілы для пераадолення страху, да змагання за свабоду.
Кантакты кампаніі:
тэлефон: 8 029 1673435
сайт bchd.info , [email protected]
220123, г. Мінск, а/с 324
15.02.2011г, Беларуская Хрысціянская Дэмакратыя
