Сайт БХД віншуе ўсіх сваіх наведнікаў з днём роднай мовы і зьмяшчае з гэтай нагоды вершасьпеў нашай прыхільніцы паэткі і барда, шчырай хрысьціянкі Марыі Новікавай “Размаўляй са мной па-беларуску”. Марыя Новікава мае музычную адукацыю, працуе арганісткай ў Чырвоным касцёле, выкладае музыку дзецям у школцы пад Менскам.

 

Размаўляй са мной па-беларуску…

 

 

razmauliaj_sa_mnoj_pa-bielarusku.mp3

 

І ў палацы, і на сцежцы вузкай,

Каб душа магла пачуць душу,

Размаўляй са мной па-беларуску,

Размаўляй па-роднаму, прашу.

 

Не шукай эпітэтаў замежных.

Каб душа кранулася душы,

Ты маёй натуры незалежнай

Словы беларускія скажы.

 

І ў журбе, і ў шчасці, і ў трывозе,

А таксама — на святой мяжы,

На апошняй для мяне дарозе

Слова беларускае скажы.

 

Каб маглі сустрэцца ў іншым свеце

У нязнаным, вечным тым віры

Душы нашы – кроплі дзве ў сусвеце, —

Ты па-беларуску гавары.