Партрэты палітвязьняў у Слоніме і Менску (Фота)
У нядзелю 27 лютага слонімскія сябры БХД расклеілі ў розных месцах ў цэнтры гораду партрэты палітзняволеных Паўла Севярынца і Зьмітра Дашкевіча з заклікам “Свабоду палітвязьням”. У прыватнасьці, вельмі дарэчы выглядаюць выявы палітвязьняў побач з афішай спектакля паводле пьесы Андрэя Макаёнка “Трыбунал” як напамін беларускаму рэжыму, што яму самому не пазьбегнуць трыбуналу.
У бліжэйшы час партрэты таксама зьявяцца ў іншых месцах гораду. Такім чынам, мясцовыя актывісты далучыліся да агульнанацыянальнай кампаніі па вызваленьні палітзьняволеных.
Таксама партрэты зьняволенага лідэра БХД Паўла Севярынца з дапамогай актывістаў менскага аргкамітэту працягваюць зьяўляцца і ў Менску.
Нагадаем, у наступны панядзелак 21 сакавіка у судзе Маскоўскага раёну адбудзецца разгляд сфабрыкаванай крымінальнай справы супраць Зьміцера Дашкевіча.
У Слоніме
У Менску
