Cевярынцу зрабілі падарунак да 25 сакавіка: нарэшце пусьцілі да яго адваката
Для палітвязьня гэта другая сустрэча з адвакатам за час зьняволення: 29 сьнежня з Паўлам Севярынцам сустракаўся Павал Сапелка, пазней адхілены ад адвакацкай дзейнасьці.
Тацяна Севярынец, маці зьняволенага палітыка, пакуль не распавядае падрабязнасьцяў:
“Адвакат сказаў, што Павал здаровы і добра выглядае! Для мяне гэта – галоўнае, бо я ня бачылася з сынам ад 19 сьнежня! Такі вось атрымаўся нам падарунак да Дня Волі!”
Спадарыня Тацяна паведамілі таксама, што 25 сакавіка атрымала ліст падтрымкі з Братыславы, адрасаваны ўсёй сям’і палітвязьня. Аўтар ліста Мікулаш Дзурында, міністар замежных справаў Славакіі, выказаў падтрымку Паўлу Севярынцу і ягоным бацькам, а таксама даслаў фотаздымак з акцыі салідарнасьці з палітвязьнямі, якая адбылася ў Братыславе 2 сакавіка і на якой прысутнічаў адказны сакратар БХД Дзяніс Садоўскі.
