"Фэст экскурсаводаў" прысвечаны Міжнароднаму дню помнікаў

18.04.2011, 17:12  |  Грамадства, Культура

18 красавіка адзначаецца Міжнародны дзень помнікаў і гістарычных мясцін. У Беларусі ўжо некалькі год запар ладзіцца прысвечаны гэтаму дню "Фэст экскурсаводаў". У час фэсту ў розных гарадах краіны можна наведаць бясплатныя экскурсіі. У гэтым годзе ў сувязі з трагедыяй 11 красавіка ў менскім метро правядзенне бясплатных экскурсій у Менску і большасці іншых гарадоў Беларусі пераносіцца на 29 красавіка - 1 траўня.

 

Святкаванне Міжнароднага дня помнікаў і гістарычных мясцін прапанавана ў 1983 годзе Асамблеяй Міжнароднага савета па пытаннях аховы помнікаў і памятных мясцін, створанай пры ЮНЕСКА. 


У Беларусі ў гэты дзень ужо некалькі год запар ладзіцца "Фэст экскурсаводаў". У час фэсту ў розных гарадах краіны можна наведаць бясплатныя экскурсіі. Пра гэта распавядае намеснік старшыні Беларускага камітэту Міжнароднай рады па помніках і мясцінах, адзін з арганізатараў "Фэсту экскурсаводаў" Цімох Акудовіч: 

 

“Ідэя фэсту ад пачатку распаўсюджвалася толькі на Менск, але мы ўжо трэці год праводзім фэст і ўдзельнічаюць усе абласныя гарады, далучылася каля 5 раённых цэнтраў”. 

Крыніца: Еўрарадыё

Навіны па тэме