У Віцебску прайшла абласная канфэрэнцыя БХД (фотарэпартаж)
У нядзелю, 29 траўня, у Віцебску адбылася абласная канфэрэнцыя аргкамітэту па стварэньні партыі “Беларуская хрысьціянская дэмакратыя”. Удзел у ёй узялі як прыхільнікі БХД з усёй вобласьці, гэтак і непасрэднае кіраўніцтва аргкамітэту.
Напачатку ўдзельнікі канфэрэнцыі заслухалі справаздачу аб дзейнасьці аргкамітэту за 2010 год. Затым выступілі сустаршыня БХД Павал Севярынец і адказны сакратар Дзяніс Садоўскі.
Напрыканцы канфэрэнцыі адбыліся выбары. Падчас іх была абраная ўправа абласнога аргкамітэту БХД, яго старшынёй была пераабраная Таццяна Яўгенаўна Севярынец.
