У Наваполацку затрымалі трох актывістаў БХД
У цэнтры Наваполацка 19 чэрвеня прыкладна а 17-й гадзіне затрымалі трох актывістаў аргкамітэту па стварэнні партыі “Беларуская Хрысціянская Дэакратыя”, якія меліся ўзяць удзел у маршы нязгодных, прымеркаваным да паўгадавіны прэзідэнцкіх выбараў.
Прадстаўнікі сілавых ведамстваў затрымалі Алега Крайко, які ўзначальвае наваполацкі аргкамітэт БХД, Іллю Багданава і Андрэя Дуброўскага.
За дзень да гэтага быў затрыманы Яўген Канстанцінаў, прадстаўнік перадвыбарчай каманды Андрэя Саннікава.
