Прадстаўнікі БХД возьмуць удзел у з’ездзе хрысціянскіх дэмакратычных партый Еўропы
Прадстаўнікі аргкамітэту па стварэнні партыі “Беларуская Хрысціянская Дэмакратыя” 23-24 чэрвеня возьмуць удзел у з’ездзе хрысціянскіх дэмакратычных партый Еўропы, што пройдзе ў Румыніі.
Асноўнай тэмай з’езду будзе далейшае прасоўванне ідэй Хрысціянскай Дэмакратыі і дзейнасць хрысціянскіх дэмакратычных партый у Цэнтральнай Еўропе.
Таксама ўдзельнікі абмяркуюць бягучую сітуацыю ў Беларусі, пытанне вызвалення палітвязняў і іншае. Магчыма, што будзе прынята заява адносна тых працэсаў, што адбываюцца ў краіне.
