БХД спачувае народу Нарвегіі
Партыя Беларуская Хрысціянская Дэмакратыя выказвае словы падтрымкі і спачування сваім сябрам з Партыя Хрысціянскіх Дэмакратаў Нарвегіі (KRF) і ўсяму Нарвежскаму народу ў сувязі з жахлівым тэрактам, які адбыўся 22 ліпеня.
Немагчыма выказаць словамі той боль і смутак, які мы адчуваем зараз разам з вамі.
Ніякімі перакананнямі ці ідэямі нельга апраўдаць такое злачынства – тэрарызм не мае нацыянальнасці альбо рэлігіі. Забойства невінаватых людзей – гэта зло ў пякельным абліччы, чым бы яно ні прыкрывалася.
Мы спадзяемся, што вы здолееце мужна прайсці гэтае выпрабаванне і стаць яшчэ больш моцнымі.
Хрысціянскі дэмакраты Беларусі моляцца за сем’і загінуўшых і пацярпелых і ўвесь народ Нарвегіі.
