Аляксей Шэін патрабуе спыніць рэпрэсіі ў дачыненні да Змітра Дашкевіча і Мікіты Ліхавіда
Сустаршыня аргкамітэту па стварэнні партыі “Беларуская Хрысціянская Дэмакратыя” Аляксей Шэін 26 ліпеня падаў заяўку на імя начальніка Дэпартаменту выканання пакарання Аляксандра Барсукова з просьбай спыніць рэпрэсіі супраць палітвязняў Змітра Дашкевіча і Мікіты Ліхавіда.
Апроч сустаршыні БХД падобныя заяўкі падалі намесніца старшыні “Маладога Фронту” Наста Палажанка, бізнэсовец Андрэй Кабанаў, спявачка Руся ды іншыя – агулам каля 15 чалавек.
У сваіх заявах іх аўтары просяць спыніць нематываваныя рэпрэсіі супраць палітвязняў, вызваліць іх са штрафнога ізалятара, дазволіць сустракацца са сваякамі, атрымліваць перадачы і рабіць пакупкі ў турэмнай краме.
