Генпракуратура турбуеца лёсам Дашкевіча? (фота)
Сёньня прадстаўнікі грамадзкага аб’днаньня “Нельга забыць”, Марына Лобава, матуля палітвязьня-маладафронтаўца Эдуарда Лобава і Севярынец Тацяна, матуля Паўла Севярынца, таксама Тацяна Кім і іншыя неабыякавыя людзі да лёсу Зьміцера Дашкевіча разам з экс-кандыдатамі Уладзімірам Някляевым і Віталіем Рымашэўскім падалі чарговую заяву ў Генеральную Пракуратуру з патрабаваньнем разабрацца ў сітуацыі, што склалася вакол Дзмітрыя .
Прадстаўнікі грамадзкасьці запатрабавалі сустрэчы з кіраўніком аддзелу па нагляду за законнасьцю выкананьня крымінальных пакараньняў Генеральнай пракуратуры РБ Гарошка Ю.І. , каторы ініцыяваў праверку ўнутры ВК-9 па ранейшых скаргах, і папрасілі яго цяпер прымусіць Адміністрацыю ВК-9 задаволіць законыя патрабаваньні Дашкевіча адносна ягонай галадоўкі, каторую ён трымае ўжо 4-тыя суткі.
Гэтаксама былі закранутыя пытаньні бясконцых спагнаньняў убок Дашкевіча, змяшчэньне яго ў ШЫЗА, парушэньні ў абмежваньні стасункаў з адвакатам,а менавіта размовы праз шкло і пасродкам тэлефонага апарату.
На сустрэчы прысутнічала Наста Палажанка, каторая размаўляла са сп.Гарошка і выказала спадзяваньне і настойліва папрасіла, каб інцыдэнт быў вычэрпаны і Зьміцеру палепшылі ўмовы ўтрыманьня і аддалі Біблію. Яны доўга перамаўлялі адносна сітуацыі ў ВК-9, адносінаў кіраўніцтва калоніі да Зьміцера, а таксама абмяркоўвалі магчымасьць ягонага пераводу і прыцягненьне да адказнасьці Адміністрацыю ВК-9.
На што было адказана, што праверка адносна сітуацыі ў Дашкевіча адбываецца да цяперашніх пор і дадзеныя пытаньні цяпер на праверцы.
“Хаця, безумоўна, мы спадземся, што Зьміцер хутка ўжо будзе дома і больш мы сюды да вас ніколі не прыйдзем.” – вераць удзельнікі акцыі.
Заява была падпісана ўсімі прадстаўнікамі разам з экс-кандыдатамі ў прэзыдэнты Уладзімірам Някляевым і Віталіем Рымашэўскім і пададзена ў Генеральную Пракуратуру.
