Сікорскі прыняў удзел у акцыі салідарнасці з беларусамі ў Варшаве (фота)
16 верасня, у дзень салідарнасці з Беларуссю каля Варшаўскага Універсітэта адбылася акцыя салідарнасці.
На акцыі прысутнічала каля 35 чалавек. Перад удзельнікамі выступілі Лявон Баршчэўскі, Уладзімір Колас і сябра Нацыянальнай Рады БХД Анатоль Міхнавец.
Пазней да акцыі далучыўся міністр замежных спраў Польшчы Радаслаў Сікорскі, які выказаў сваю салідарнасць з беларускім народам.
У цэнтры Варшавы луналі бел-чырвона-белыя сцягі і гучалі вызваленчыя лозунгі на беларускай і польскай мовах.
Акцыя скончылася апладысментамі ў знак салідарнасці з вязнямі рэжыму.
