Конкурс да 20-годдзя абвяшчэння незалежнасці Беларусі працягнуты да 15 кастрычніка
Працягваецца літаратурны конкурс маладых творцаў, прысвечаны 20-годдзю абвяшчэння незалежнасці Беларусі. Арганізатары: Аргкамітэт па стварэнні партыі “Беларуская Хрысьціянская Дэмакратыя”, Партыя БНФ, Рух “За Свабоду”, Малады Фронт, Беларуская Сацыял-дэмакратычная партыя (Грамада), Аргкамітэт руха салідарнасці “Разам”. Тэрмін яго правядзення падоўжаны да 15 кастрычніка.
Умовы: Прымаюцца вершы, апавяданні і эсэграмадзянскай і філасофскай скіраванасці. Незалежнасць дзяржавы і незалежнасць асобы, Айчына і воля, мужнасць і ахвярнасць, гістарычныя постаці і сучасныялідары, свабодалюбства і ўзвышанасць духу – гэта і многае іншае можа быць зместам вашых твораў.
Узрост удзельнікаў:удзельнічаць у конкурсе могуць аўтары, народжаныя пасля 25 жніўня 1991 году. Аб’ём твораў – да 10 старонак.
Просьба да ўдзельнікаў паведаміць кароткія звесткі пра сябе (месца пражывання, узрост, занятак, тэлефоны для кантакту).
Творы і звесткі дасылаюцца ў электронным выглядзе на адрас: [email protected]
Аўтары лепшых твораў будуць узнагароджаны прызамі і дыпломамі.
Склад журы:
Уладзімір Арлоў (старшыня)
Галіна Каржанеўская (сакратар)
Міхась Скобла.
Каардынатар – Аляксей Шэін (БХД)
Адрас электроннай пошты: [email protected]
Тэлефон для даведак: VEL 130-67-68
