Магілёўскія актывісты БХД выправіліся ў сумесны паход (фота)
Магілёўскія актывісты аргкамітэту па стварэнні партыі “Беларуская Хрысціянская Дэмакратыя” пры ўдзеле абласной каардынатаркі Таісіі Кабанчук зладзілі сумесны паход.
Сябры БХД выправіліся ў паход да гаючай крыніцы ў вёсцы Палыкавічы Магілёўскага раёну. Памаліўшыся ў мясцовай капліцы за Беларусі і за палітвязняў, актывісты скіраваліся ў лес, дзе зладзілі сумесны пікнік, паведаміла каардынатарка аргкамітэту БХД ў Магілёве Тацяна Шамбалава.
Падчас адпачынку актывісты паразважалі пра гісторыю Беларускай Хрысціянскай Дэмакратыі, бягучую сітуацыю ў Беларусі і яе магчымае развіццё, рэгістрацыю БХД і звязаныя з ёй планы мерапрыемстваў. “Лепей, бліжэй пазнаёміліся”, – адзначыла Тацяна Шамбалава.
