БХД дала старт Радзе народных дэпутатаў (фота)
7 лістапада прайшло святочнае мерапрыемства, прымеркаванае да чарговых угодак Хрысціянскай Дэмакратыі на Беларусі, а таксама да старту кампаніі Рады народных дэпутатаў у Менску.
Удзел у мерапрыемстве ўзялі больш за 40 чалавек. Памяшканне прафсаюзаў РЭП, у якім праходзіла мерапрыемства, не змагло змясціць усіх жадаючых.
Напачатку удзельнікам распавялі пра гісторыю заснавання Беларускай Хрысціянскай Дэмакратыі. Пасля Віталь Рымашэўскі паведаміў, што БХД уяўляе сабой зараз і заклікаў далучацца да аргкамітэту і яго дзейнасці.
Затым Дзяніс Садоўскі прэзентаваў аднаўленне кампаніі Рада народных дэпутатаў, якая распачалася ў 2010 годзе пасля фальсіфікацыі ўладамі мясцовых выбараў.
Таксама на мерапрымстве быў дадзены старт дзвюм кампаніям па Менску: “За чыстыю ваду”, якая ўключае ў сябе збор подпісаў і грамадскія слуханні па пытанні забруджвання вады ў сталіцы, і “За сямейныя каштоўнасці”, накіраваная на падтрымку сем’яў, моладзі, здаровага ладу жыцця.
Пасля перапынку адбыўся святочны канцэрт.
Нагадаем, што 6 лістапада 1927 года ў Вільні прайшоў Устаноўчы з’езд партыі “Беларуская Хрысціянская Дэмакратыя”. У 2-й праграме, прынятай на Сходзе, гаварылася, што “БХД імкнецца да самастойнасці беларускага народу на ўсіх яго землях, аб’яднаных у незалежную дэмакратычную рэспубліку”. Ад 1927 году сябрамі партыі, паводле зьменаў у Статуце, маглі быць не толькі каталікі, але і праваслаўныя. Гэты крок даў БХД магчымасць стаць адным з лідэраў сярод партыяў Заходняй Беларусі.
