Кнігі для Купліна. Збор беларускай бібліятэкі для “хімікаў”.
БХД на просьбу свайго сустаршыні, палітвязня Паўла Севярынца, які адбывае пакаранне ў спецкамендатуры ў вёсцы Куплін Пружанскага раёну, звяртаецца да ўсіх людзей добрай волі ахвяраваць патрыманыя беларускія кнігі для бібліятэкі куплінскай камендатуры.
Бібліятэкай займаецца Павал Севярынец. Паводле яго, для яе папаўнення вельмі пажаданыя:
– любая хрысціянская літаратура (кнігі, брашуры, найперш, беларускамоўная);
– класічная беларуская літаратура (найперш Быкаў і Караткевіч);
– кнігі па гісторыя Беларусі (Ермаловіч, Чаропка, Арлоў і іншыя гісторыкі);
– патрыманыя кнігі сучасных пісьменнікаў і паэтаў;
– беларускія пераклады класікі.
Усе ахвотныя ахвяраваць кнігі для куплінскай бібліятэкі могуць звятацца па тэл. 8-029-5675310 (Люба, тэлефанававаць удзень, да 18-00).
