Сябры БХД у Бабруйску правядуць акцыю салідарнасці з асуджаным арганізатарам Народнага Сходу
Сябры аргкамітэту па стварэнні партыі “Беларуская Хрысціянская Дэмакратыя” ў Бабруйску 10 лістапада намераныя перадаць мясцоваму арганізатару Народнага сходу Віктару Бузінаеву, які асуджаны да дзесяці сутак арышту, газеты і іншыя дазволеныя рэчы.
Пра гэта паведаміла каардынатарка аргкамітэту БХД па Магілёўскай вобласці Таісія Кабанчук. Паводле яе словаў, у акцыі таксама возьме ўдзел Тамара Уладзімераўна Васьковіч, бабуля асуджанага да сямі гадоў пазбаўлення волі сябра БХД Яўгена Васьковіча.
“Пройдзе такая акцыя салідарнасці”, – адзначыла Таісія Кабанчук.
