Таццяну Севярынец будуць судзіць за Народны сход 30 лістапада

23 лістапада 2011 13:50  |  Галоўныя навіны

Віцебская каардынатарка БХД Таццяна Севярынец атрымала павестку ў суд Кастрычніцкага раёна Віцебска. У сераду 30 лістапада ў 16-00 яе будуць судзіць за правядзенне Народнага сходу 8 кастрычніка.

Як паведаміла прэс-службе БХД спадарыня Таццяна, яе запрашаюць “у якасці асобы, якая прыцягваецца да адміністрацыйна адказнасці па арт. 23.34 пункт 1” за арганізацыю несанкцыянаванага мерапрыемства “Народны сход”. Судзіць яе будзе Грабоўская І.У.

– Пратакол складзены 2-чы. У другім пратаколе ніякіх адрозненняў няма акрамя таго, што ў 2-ім згадваецца назва мерапрыемства “Народны сход”. Так канкрэтна і прапісана, быццам я з такога па такі час цягам паўгадзіны “арганізавала і правяла несанкцыянаванае масавае мерапрыемстве — Народны сход”, — распавядае Таццяна Севвярынец. – Яны проста змяшалі розныя законы. Але ж у нашых судздзьяў і праваахоўных органаў закон, што дышла – куды павярнуў, туды і выйшла.

Болей навін