«Думскія выбары паказалі, што расіяне вельмі незадаволеныя расійскім кіраўніцтвам, нягледзячы на запэўніванні афіцыйнай прапаганды. Пуцін, Мядзведзеў вельмі актыўна агітавалі за партыю ўлады – «Адзіную Расію», але не набралі нават паловы галасоў. А рэальныя вынікі выбараў могуць быць яшчэ горш для ўлады», – кажа сустаршыня БХД.

«У Расіі з’явілася перспектыва, з’явіўся шанец на перамены. Яны не будуць хуткімі, але шанец з’явіўся», – падкрэсліў В. Рымашэўскі ў інтэрв’ю “Беларускаму партызану”.

Што датычыцца прагнозаў на беларуска-расійскія адносіны, то палітык не прадбачыць змяненняў у знешняй палітыцы Расіі:

– Ніякіх змяненняў у знешняй палітыцы не адбудзецца. Знешняя палітыка застанецца ранейшай. На прэзідэнцкіх выбарах, можна казаць, ужо перамог Пуцін, які разам з Мядзведзевым, «Адзінай Расіяй» і алігархамі і будуць вызначаць знешнюю палітыку. Таму трэба чакаць далейшага ўзмацнення ціску на Беларусь з мэтай пазбавіць яе эканамічнага і палітычнага суверэнітэту, – лічыць Віталь Рымашэўскі.