Паплечнік затырманых Віктар Чайкоўскі зьвязвае затрыманьне са статутным зьездам Партыі БХД, які мае адбыцца неўзабаве. «Хутчэй за ўсё, хлопцам дадуць суткі, каб ня трапілі на зьезд. У гэтым затрыманьні няма нічога выпадковага, іх заўсёды пільнуюць перад зьездамі, або перад іншымі важнымі мерапрыемствамі,» — кажа спадар Чайкоўскі.

Каардынатар аргкамітэту БХД па БерасьцейшчынеЗьміцер Шурхай разам з кіраўніком аргкамітэту па Берасьці Алесем Чаркашыным 15 сьнежня былі ў працоўнай паездцы па вобласьці: езьдзілі ў Кобрын, рыхтуючыся да заплянаванага зьезду БХД. На зваротным шляху іх затрымалі супрацоўнікі ДАІ, якія мелі падазрэньне, што аўтамабіль Алеся Чаркашына датычны да ДТЗ . Шурхая і Чаркашына даставілі ў Маскоўскі РАУС, нібыта, каб правесьці экспэртызу аўтамабіля. Аднак потым на іх склалі пратакол за брыдкаслоўе.