Папа прыедзе да беларусаў, а не да Лукашэнкі
Лідэр Беларускай Хрысціянскай Дэмакратыі Павал Севярынец пракаментаваў інфармацыю аб магчымым візіце Бэнэдыкта XVI ў Беларусь вясной-летам 2010 года.
“Пасля прыезду Лукашэнкі ў Ватыкан вясной гэтага года візіт Бэнэдыкта XVI у Беларусь выглядае натуральным. Нягледзячы на палітычныя пытанні да рэжыму, Папа прыедзе да беларусаў, а не да Лукашэнкі. За 2000 гадоў кіраўнік Каталіцкага Касцёлу ані разу не наведваў Беларусь. Калі такі візіт адбудзецца, для Беларусі гэта стане гістарычнай падзеяй. Для хрысціянскай краіны у самым сэрцы Еўропы гэта мае і вялікае сімвалічнае значэнне, і можа стаць прычынай вялікага духовага ўздыму. Беларуская Хрысціянская Дэмакратыя вітае намер Бенедыкта XVI і спадзяецца, што ягоны прыезд паспрыяе умацаванню хрысціянскіх каштоўнасцяў, беларускай незалежнасці і самаўсведамленню беларусаў як еўрапейскай нацыі”, – адзначыў палітык у інтэрв’ю прэсавай службе Беларускай Хрысціянскай Дэмакратыі.
