У Гомелі знялі фільм аб сталінскіх рэпрэсіях (відэа)
У Гомелі актывісты кааліцыі “Наша Альтэрнатыва”, куды ўваходзяць і актывісты Беларускай Хрысціянскай Дэмакратыі, знялі фільм аб сталінскіх рэпрэсіях на Гомельшчыне. Назва фільма “Лінія Сталіна – Гомельскі рэгіён”.
Фільм заснаваны на сведкавых паказаннях жыхароў розных раёнаў Гомельскай вобласці.Аўтар ідэі Кастусь Жукоўскі сумесна з іншымі актывістамі, грунтуючыся на ўспамінах сведкаў злачынстваў 1930-1953-х гадоў, паказаў альтэрнатыўны погляд на “Лінію Сталіна” і тое, што гэта не абарончы рубеж у Менскай вобласці, а лінія тэрору і рэпрэсій супраць народа, якая прайшла амаль праз кожную сям’ю і працягваецца да нашых дзён.
Працягласць фільма 35 хвілін.
У стварэнні фільма прымалі удзел: Кастусь Жукоўскі, Алесь Сівакоў, Ларыса Шчыракова, Сяржук Саладухін, Андрусь Цянюта, Яўген Якавенка, Андрэй Папоў.
