У Варшаве таксама прайшло шэсце на Дзень Волі (фота)
25 сакавіка беларусы Варшавы адсвяткавалі Дзень Волі. Раніцай яны сустрэліся каля Ронда Вашангтона, адкуль калона з сарака чалавек з бел-чырвона-белымі сцягамі, накіравалася шэсцем да дошкі ў памяць генерала войска Беларускай Народнай Рэспублікі Булак-Булаховіча. Перад прысутнымі выступілі сябар Нацрады БХД Анатоль Міхнавец і Зміцер Бародка. Да дошкі былі ўскладзены знічы і бел-чырвона-белыя сцягі.
Далей калона рушыла да каралеўскага палаца, дзе ў неба былі выпушчаны шарыкі колераў нацыянальнага сцяга Беларусі.
Пазней святкаванне працягнулася ў нефармальнай атмасферы не беразе ракі Вісла.
Арганізатарамі мерапрыемства выступілі “Беларуская Нацыянальная Памяць” начале з сябрам БХД анатолем Міхнаўцом і Ігар Коктыш.
