Суд над Шамякіным перанесены на 19 ліпеня
Пакуль не стане вядома, ці прызнаецца ў нас дыплом ЕГУ.
28 чэрвеня адбылося судовае пасяджэнне па позве БДУ да былога студэнта, сябра БХД Алеся Шамякіна.
Нагадаем, БДУ хоча спагнаць з Шамякіна грошы за навучанне (больш за 30 мільёнаў рублёў), бо той не пайшоў працаваць па размеркаванні. Аднак хлопец сцвярджае, што не мусіў гэтага рабіць, бо паступіў у магістратуру ЕГУ.
Суд Савецкага раёна пастанавіў перанёсці пасяджэнне на 19 ліпеня з прычыны неабходнасці высвятлення, ці прызнаецца дыплом ЕГУ ў Беларусі. Для гэтага Алесь Шамякін ў бліжэйшы час звернецца ў Рэспубліканскі інстытут вышэйшай школы.
