Актывістку БХД Вольгу Пансевіч зноў аштрафавалі
У Слоніме раніцай 4 ліпеня адбыўся суд над мясцовай актывісткай БХД Вольгай Пансевіч. Яе аштрафавалі на 2,4 мільёны рублёў. Пра гэта паведаміў слонімскі каардынатар БХД Іван Бедка.
Нагадаем, што Вольга Пансевіч была ў чарговы раз затрымана позна ўвечары 3 ліпеня ля мясцовага райвыканкаму. Яе абвінавацілі ў непадпарадкаванні патрабаванням міліцыянтаў.
21 красавіка Вольгу Пансевіч затрымалі і збілі міліцыянты. 12 чэрвеня яе ў дадатак яшчэ аштрафавалі на 2,5 мільёны рублёў.
