У Будславе распачынаюцца святочныя мерапрыемствы (Відэатрансляцыя)
Сёлетні фэст у гонар Маці Божай Будслаўскай праходзіць 6–7 ліпеня пад дэвізам «Марыя — Маці Збаўцы» і стане падрыхтоўкай да 400-гадовага юбілею прысутнасці тут цудадзейнага абраза, што адбудзецца ў 2013 годзе.
r
Прапануем праграму святкаванняў.
6 ліпеня (пятніца)
- 13.00–17.00 — сустрэча і прывітанне пілігрымаў кусташам санктуарыя
- 18.00 — святая Імша для пілігрымаў (цэлебруюць новапрэзбітары)
- 20.30 — Акафіст (хор Грэка-каталіцкай Царквы)
- 21.00 — марыйныя Нешпары
- 22.00 — пакутнае набажэнства (падрыхтоўка да споведзі)
- 23.00 — святы Ружанец
- 24.00 — працэсія і святая Імша
7 ліпеня (субота)
- 02.00 — распачынаецца моладзевая праграма ў палатачным гарадку
- 02.00 — святая Імша паводле грэка-каталіцкага абраду
- 04.00 — адарацыя Найсвяцейшага Сакрамэнту
- 05.30 — Гадзінкі аб Беззаганным Зачацці Найсвяцейшай Панны Марыі
- 06.00 — святая Імша (цэлебруюць айцы бернардынцы)
- 07.30 — святы Ружанец
- 09.00 — святая Імша
- 11.00 — святая Імша (падчас літургіі адбудзецца малітва за асобаў, якія адзначаюць 25- ці 50-гадовы юбілей — святарства, законнага жыцця або сужэнства. Юбіляры атрымаюць спецыяльнае благаслаўленне). Выстаўленне Найсвяцейшага Сакрамэнту, працэсія.
Як паведамлялася раней, з гэтага года святкаванні ў Нацыянальным санктуарыі ў Будславе будуць не 2 ліпеня, а ў першую суботу ліпеня. Святкаванням (але не ўрачыстасці) быў нададзены рухомы характар з той мэтай, каб як мага больш вернікаў мелі магчымасць прыбыць у санктуарый і ўшанаваць Маці Божую ў цудоўным абразе. Разам з тым адпуст у Будславе можна атрымаць і 2 ліпеня (у дзень урачыстасці).
