Улёткі з заклікам не хадзіць на “выбары” з’явіліся ў Пінску (фота)
Актывісты пінскай філіі Берасцейскай дэмакратычнай кааліцыі (БДК) «Спадчына» расклеілі ўлёткі ў некалькіх мікрараёнах Пінска.
Улёткі з заклікам аб’явіць “байкот такой улады” з’явіліся на дошках аб’яў, прыпынках грамадскага транспарту і на пад’ездах жылых дамоў.
“Усе дэмакратычныя арганізацыі згодныя, што ў Беларусі няма свабодных і дэмакратычных “выбараў”. Мы заклікаем не толькі да байкоту “выбараў”, якія праводзіць у нашай краіне бессэнсоўна, але таксама да агульнанацыянальнага байкоту рэжыму. Галоўная наша мэта – дамагчыся свабодных і справядлівых выбараў, без палітвязняў і кандыдатаў “ад улады”, – заявілі актывісты пінскай філіі “Спадчыны” сайту ffight.org.
