У Віцебску затрымалі назіральніка ад БХД Яўгена Гуцалава (фота)
У Віцебску міліцыянты затрымалі актывіста аргкамітэту па стварэнні партыі “Беларуская Хрысціянская Дэмакратыя” Яўгена Гуцалава, які акрэдытаваны назіральнікам на 64-ым выбарчым участку.
Яго затрымалі адразу ж пасля пачатку перапынку на выбарчым участку і абвінавацілі ў правядзенні незаконнага пікету. Пасля яго звінавацілі ў нецэнзурнай лаянцы, паведаміла віцебская абласная каардынатарка БХД Таццяна Севярынец.
Зараз Яўгена Гуцалава вязуць у Кастрычніцкі РАУС Віцебска.
Будучы назіральнікам Яўген паспеў паведаміць, што за адну гадзіну з 10:00 да 11:00 на ўчастку паспелі прагаласаваць адразу 10 дзяўчат з інтэрнату №2 Віцебскага дзяржаўнага тэхналагічнага ўніверсітэту. Паводле іх словаў, іх ніхто не прымушаў.
Фота Яўгена Гуцалава з выбарчага ўчастку
