Сябар БХД з Наваполацку Сяргей Малашэнак, які акрэдытаваны назіральнікам на ўчастку для галасавання № 31 Полацкай гарадской выбарчай акругі №28,зафіксаваў, што на гэтым участку створаныя ўмовы для фальсіфікацыі “выбараў” на датэрміновым галасаванні. 

 

Паводле яго словаў, у апячатанай скрыні для галасавання ёсць магчымасць для падмены бюлетэняў. У яе дне маецца шчыліна прыкладна 1.5 сантыметры, а магчыма і больш. Назіральнікам нельга чапаць скрыню і праверыць, наколькі яна шырокая. На фота бачная шчыліна, для маштабу побач ляжыць аўтамабільны ключ.

 

Адзначым, што сама скрыня празрыстая. І нават гэта не гарантуе празрыстасці “выбараў”.