Гомельскія актывісты ў Дзень памяці ахвяраў рэпрэсій наведалі магілу Андрэя Зайцава
29 кастрычніка гомельскія прадсатўнікі Беларускай Хрысціянскай Дэмакратыі, Руху салідарнасці “Разам” і “Маладога фронту” наведалі магілу даведзенага да самагубства ў 2001 годзе гомельскага актывіста “Зубр” Андрэя Зайцава.
Тады незалежныя медэі, паведамлялі, што Андрэй падвяргаўся ціску з боку КДБ, што і магло стаць прычынай самагубства.
У ноч 29-30 кастрычнiка 1937 года ў сутарэннях Менскай унутранай турмы НКУС былі растраляны больш за 100 прадстаўнікоў беларускай інтэлектуальнай эліты. Тады за раз былі знішчаны лепшыя людзі Беларусі. Таму сёння актывісты наведалі магілу бязвінна сыйшоўшага з жыцця хлопца, каб ушанаваць такім чынам памяць пра загінулых. І памятаць, што такая гісторыя не мусіць паўтарацца.
Даследчыкам праз доўгі час сталі вядомы акалічнасці той страшнай ночы 1937-га, гэтая гісторыя прадстала перад грамадскасцю. Гісторыя зачасна сыйшоўшага з жыцця 24-гадовага маладога поўнага жыцця хлопца яшчэ чакае свайго часу. Акытвісты ўсклаліі на магілу бел-чырвона-белыя кветкі, як сымбаль незалежнай Беларусі, аб якой марыў Андрэй 10 гадоў таму, і беларусы ў далёкім і страшным 1937-м.
