У Беларусі хочуць правесці першы малітоўны сняданак (фота)
Як паведаміў лідар ХДІ і сустаршыня БХД Георгі Дзмітрук, вітанні ўдзельнікам круглага стала скіравалі ініцыятыўныя групы па правядзенні малітоўных сняданкаў у Літве, Нямеччыне, Расеі і Ўкраіне, выказалі падтрымку апосталські нунцый у Беларусі Клаўдыё Гуджэроцці і рыма-каталіцкі мітрапаліт Менска-Магілёўскі Тадэвуш Кандрусевіч, шэраг пратэстанцкіх біскупаў. Сярод удзельнікаў мерапрыемства былі каардынатар па Ўсходняй Еўропе арганізацыі “Еўрапартнёры” Тыло Штайнбрык (фота 8), прэзідэнт “Еўрапартнёры” Тымо Плутчынскі (Нямеччына, фота 7) і іншыя.
“Малітоўны сняданак – гэта ўніверсальны сродак для пошуку кантактаў і ўзаемапаразумення. Ён мае вельмі станоўчае значэнне як для грамадскага жыцця, так і для бізнэса”, – падкрэсліў Георгі Дзмітрук, адзначыўшы, што ўсе ўдзельнікі круглага стала станоўча паставіліся да гэтай прпановы.
Адначасова з круглым сталом, прысвечаным правядзенню маліоўнага сняданку, адбыўся таксама круглы стол “Эканоміка. Сёння і заўтра”, сярод удзельнікаў якога былі беларускі эканаміст Станіслаў Багданкевіч (фота 3), палітолаг Алесь Шамякін (фота 6) і іншыя.
Падчас круглага сталу быў абмеркаваны сучасны стан беларускай эканомікі, былі падкрэсленыя станоўчыя і адмоўныя яе моманты. Сярод станоўчага было названа тое, што беларускі ўрад спрабуе жыць па сродках, траціць, тое, што зарабляе, мінімізаваць выдаткі. Сярод адмоўнага – адсутнасць рэформаў, без якіх немагчыме развіццё.
З музычным суправаджэннем круглых сталоў выступіў Даніла Казлоў (фота 4) – фіналіст “Дзіцячага Еўрабачання”.
