Дзень Волі ў Магілёве (фота)
25 сакавіка ў Магілёве на “Кола сяброў” кааліцыя ў выглядзе аргкамітэту па стварэнні партыі БХД і партыі БНФ сумесна з маладымі хрысціянскімі дэмакратамі Магілёва (МХДМ) правялі культурніцкую імпрэзу, вячэру, прысвечаную 95-годдзю абвяшчэння ІІІ Устаноўчай граматы БНР аб незалежнасці Беларускай Народнай Рэспублікі.
У рамках мерапрымства МХДМ прадставіла відэа-ролік на тэму БНР і віктарыну, за правільныя адказы ў якой кожны атрымаў памятны падарунак.
На прыканцы, магілёўцы паслухалі лекцыю аднаго з мясцовых гісторыкаў пра ўнёсак магілёўцаў у станаўленне маладой беларускай дзяржавы ў пачатку 20 ст., а скончылася вячэра бардам і спевамі беларускамоўных песень і вершамі на тэму любові да Радзімы.
